AS TROMPAS
Boceto - lápices de cores Cuadro rematado
acrílico sobre táboa 2,44m x 1m
Pola
rúa das Trompas abandónase o Santiago vello saíndo das lindes da muralla, que
se atoparía no que hoxe coñecemos como rúa da Virxe da Cerca. No outeiro que se
atopa enfronte álzase o convento dominico de Santa María de Belvís, erixido
durante a primeira metade do século XIV. Trátase de un dos catro conventos
edificados extramuros da cidade –San Francisco, Santa Clara, Santo Domingo de
Bonaval e Santa María de Belvís-, nun lugar coñecido co nome de “O Viso”, termo
que provén do latín visus e que fai
alusión a unha altura desde onde se pode apreciar moito terreo co sentido da
vista.
Belvís DÍAZ, C. (coord.) (2000): A memoria de Santiago, 66. Vigo. |
Do
antigo conxunto relixioso pódese destacar que en 1305 probablemente se comezase
a súa edificación, e que se conmemora a súa fundación no 1340, polo que as
obras da igrexa estarían xa moi avanzadas nesta data; pero aínda así,
prolongaríanse durante moitos anos.
O
templo medieval foi demolido no ano 1725, e no seu lugar edificouse unha nova
fábrica de factura barroca, rematada cara 1737; non obstante, consérvanse
algunhas pezas do edificio orixinal, tales como capiteis, columnas e incluso un
arco. Á igrexa orixinal constrúeselle no seu exterior a finais do século XVII
unha capela, de estilo tamén barroco, baixo a advocación de Nosa Señora do
Portal.
No
ano 1809, durante a ocupación francesa da Península, se Bonaval serviu de
albergue para as tropas, Belvís foi hospital. Actualmente alberga de novo unha
comunidade de relixiosas da orde de Santo Domingo.
Comentarios
Publicar un comentario